Arianit Koci: Situata nuk mund të zgjidhet me aparatin represiv shtetëror

Avokati Arianit Koci ka reaguar pas zhvillimeve të sotme në Kuvendin e Kosovës. Ai në një shënim në Facebook ka theksuar se raportet politike në mes të pozitës dhe opozitës, kurrë në historinë politike nuk janë zgjedhur me aparatin represiv shtetëror, e as me vendime gjyqësore.

Shënimi i plotë i Kocit:

Pozita, opozita dhe letargjia

Raportet politike në mes të pozitës dhe opozitës, kurrë në historinë politike nuk janë zgjedhur me aparatin represiv shtetëtor, e as me vendime gjyqësore.

Prandaj, të gjithë po e shohim që caktimi i paraburgimit për Donikën, Albinin dhe të tjerët nuk po ka efekt.

Vazhdimi i seancave pa opozitēn, nuk ka kuptim dhe nuk i ndihmon demokratizimit te vendit.

Arroganca e pushtetit dhe mungesa e ideve të opozitës pēr të arritur te ndryshimi, na ka sjellë pamjet e gērditshme që i kemi parë këto ditë.

Jemi në letargji dhe pa shpresë se vet mund ti zgjidhim problemet e akumuluara.

Sidoqoftê, mu mendimi se çdo problem madhor duhet të na i zgjedhin ndërkombëtaret pjesërisht na ka sjellë në këtë situatë.

Tash na duhen burrēshtetasit e vërtetē, që me dialog e zgjidhin këtë nyje gordiane.

Pozitë e opozitë, duhet lënë anash kalkulimet dhe inatet politike, se tash vërtetë po rrezikohet substanca shtetërore dhe e ardhmja e fëmijëve tane.