Arifi: LDK është nëndegë e PDK-së

Këshilltari kryesorë i Ramush Haradinaj, ka thënë se Lidhja Demokratike e Kosovës, është bërë si nëndegë e Partisë Demokratike të Kosovës.

“Ne kemi një subjekt politik që i tërë koncepti politik i saj ka qenë kundër Thacit, tashmë pak përjashtime me disa katër pesë deputetë, ndërsa sot mënyra e funksionimit të LDK-së është një nëndegë e PDK-së. Një nëndegë pa kërkesa të mëdhaja sepse LDK ka shumë degë”, ka thënë Arifi.

Këto komente, Arifi i ka bërë në emisionin “Politikë” në Tribuna Channel, ku ka folur edhe rreth AAK-së. Sipas tij, Aleanca sot ka ngritje dhe pasurim të strukturës me njerëz të rinj dhe aderime të reja.