Arjan Beqaj: Çunat e kombëtares, sportistët më të mëdhenj shqiptarë (VIDEO)

Lojtari i parë kosovar që veshi fanellën e kombëtares shqiptare, ishte portieri legjendar Arjan Beqaj.

Ai ka folur ekskluzivisht në Info Magazine në Klan Kosova, për arritjen historike të kombëtarës të cilës vet i takonte dikur.

“Është momenti kulmore i gjithë sportit shqiptar dhe jo vetëm i futbollit, këta çuna vërtet e meritojnë, kjo kombëtare e meriton plotësisht vendin në të cilin gjendet tani”, ka deklaruar Beqaj.

Ai ka thënë se ky grup i futbollistëve shqiptarë është më i miri i të gjitha kohërave.

“Për mua futbollist të mirë janë ata që kanë arritur objektivat, këta janë futbollistët më të mirë shqiptarë – duhet t’u jemi të gjithë mirënjohës këtyre çunave”, derisa, për Beqajn, meritorë për kualifikimin ishte i gjithë grupi, pa përjashtim.

“Ky ekip ka treguar gjithmonë se është forca e grupit që e mbanë, kjo është karakteristik e këtij ekipi”.

Beqaj tha se është herët të flitet për objektivat në Francë, por duke njohur lojtarët e skuadrës, ai është i bindur se ata edhe atje “do të bëjnë gjëra të mira”.

Kjo është intervista e plotë e Arjan Beqajt: