Lajmet e fundit

Arrestohet i kërkuari Fation Broto, pjesëtar i grupit kriminal të Gjin Nikës

Arrestohet një nga anëtarët e grupit kriminal të Gjin Nikës, i cili mbeti i vrarë në një atentat mbrëmjen e 2 prillit pranë Urës së Tapizës në Fushë Krujë.

Efektivë të Forcës së Posaçme “ Shqiponja”, kanë vënë në pranga shtetasin e shpallur në kërkim, Fation Bono, 25 vjeç, lindur dhe banues në Pogradec.

Ndalimi i tij u bë në Unazën e Re, pranë një lokali.

Policia thotë se i arrestuari është një shtetas me rrezikshmëri të lartë shoqërore, pasi dyshohet për vepra të rënda penale si plagosje e rëndë me dashje , armëmbajtje pa leje dhe kanosje.

Bashkë me shtetasin në kërkim Fation Bono, nga ana e Forcës “Shqiponja” u bë dhe shoqërimi në i dy shtetasve të tjerë që e shoqëronin, N. A, 43 vjeç lindur në Pukë dhe banues në Tiranë dhe Ç. K, 43 vjeç, lindur në Pogradec dhe banues në Tiranë.

Policia bëri dhe bllokimin e një automjeti i markës “Toyota”.

Policia e Tiranës po merret me veprime proceduriale të mëtejshme lidhur me këta shtetas.

Leave a Reply

Your email address will not be published.