Arsyetohet Trump, thotë se po bën mirë për myslimanët

Derisa përballet me kritika të shumta për deklaratat e tij rreth propozimit për ndalimin e përkohshëm të emigrantëve myslimanë në SHBA, në një prononcim tjetër të tij, Donald Trump është arsyetuar duke thënë se po flet në bazë të interesave të komuniteti islamik në SHBA.

“Unë po veproj mirë për myslimanët”, ka thënë Trump në një intervistë me Dom Lemon në “CNN Tonight”. “Shumë shokë të mi myslimanë pajtohen me mua. Ata ma thonë ‘Donald, ti solle diçka që është aq briliante dhe fantastike.”

“Kam shumë shokë myslimanë. Ata janë njerëz fenomenalë dhe janë shumë të lumtur me atë që bëj unë”, ka thënë Trump.

“E dua Lindjen e Mesme. I dua njerëzit nga Lindja e Mesme.”

Trump ditë më parë përmes disa deklaratave kishte propozuar që myslimanëve që shkojnë drejt Amerikës t’u vihet bllokadë dhe mos t’u lejohet hyrja.