Asamblisti i LDK-së në Kuvendin Komunal të Prishtinës, Flamur Shala tha se me konsiderojmë se kemi qenë në krye të detyrave politike sipas programit të partisë. “ Grupi i LDK-së, konsideron se vitit 2015 ishte viti i rëndë për qeverisjen komunale si pasojë e sjelljeve përjashtuese të kryetarit të komunës”, tha ai. Shala tha se vështirësitë kanë vazhduar gjatë gjithë vitit si pasojë e nderrimit të drejtorëve komunal. Ndërsa, duke folur për kryetarin Ahmeti ai tha se dështimet dalin me tri anë nga ana administrative. “Administrata e Ahmetit kontrollohet shpesh nga Vetëvendosja me drejtor të armatosur. Shpend Ahmeti dështoi me punësimin në komunë, ai solli militantë politike në kuvend për ti sulmuar anëtarët e kuvendit”, tha Shala. Shala deklaroi se kryetari i komunës dështojë ndërmarrje publike, pra sipas tij ata emëruam në borde njerëz qe janë militantë të VV, Ahmeti dështoi po ashtu në realizimin e konkurseve për mësimdhënës. Shala tha se ka premtuar depolitizimim më arsim por nuk e ka bërë. “ Sot Ahmeti nuk e di as vet sa drejtori i ka.letra dërguar she shkuarja e tij më ndërmarrje publike është shkelje e ligjit. Ahmeti nuk u përpoq asnjëherë të krijoj relacione. Nga një kryetar kryeqyteti u shndërrua në udhëheqës të VV. Pjesëmarrja e tij në protesta e ka nxjerr atakuesin më të madh. Pjesëmarrja e tij në protestë e nxorri në atë që ai e luftoi qytetin e Republikës”, tha ai. Ai gjithashtu tha se dyshojmë që ai ka bërë shkelje që ka shkuar në Sofie për vizitë. “Ai përpos që nuk doli të përballet më kuvend ai nuk e solli para kuvendit as raportin buxhetor të periudhës janar-qershor, dhe kjo la për të dyshuar për shkelje ligjore. LDK konsideron që është e papranueshme që aktivistë të VV të kenë detyra në komunë”, kështu ka thënë Shala në një konferencë për media. Shala gjithashtu tha se sivjet komuna ka realizuar vetëm 34% të investimeve kapitale dhe sipas tij kjo ka ardhur si pasojë e mos respektimit të demokracisë. “Shpend Ahmeti ishte vazhdimisht përjashtues i debatit e dialogut”, tha ai.

Viti 2015 ka qenë kryesisht vit me mbulueshmëri më të mirë me barna në Kosovë, krahasuar me vitet paraprake.

Kështu thonë zyrtarë në Ministrinë e Shëndetësisë në Qeverinë e Kosovës, sipas të cilëve mbi 80 për qind të listave me barna esenciale janë mbuluar.

Izet Sadiku, zëvendësministër i Shëndetësisë thotë se mbi 75 për qind është mbuluar me barna niveli terciar, derisa mbi 90 për qind ka qenë mbulimi me citostatikë, barna këto që shërbëejnë për trajtimin e personave me kancer.

“Sa i përket furnizimit me barna nga lista esenciale, është mbuluar mbi 80 për qind, derisa citostatikët mbi 90 për qind, e që ka qenë përqindje më e madhe se vitet paraprake. Në përgjithësi ka qenë një furnizim i mirë”, tha Sadiku.

Për vitin 2015, buxheti për barnat në Kosovë është rritur për 14.5 milionë euro më shumë, duke e ngritur buxhetin përafërsisht në 35.5 milionë euro. Në vitin 2014, buxheti për barna kishte qenë rreth 21 milionë euro.

Me gjithë këtë, mungesa e barnave nga lista esenciale në institucionet publike shëndetësore, vazhdon të jetë e pranishme.

Blerim Syla, udhëheqës i Federatës Sindikale të Shëndetësisë, ka thënë se është vërejtur përmirësim në furnizim me barna, derisa materiali shpenzues ka munguar.

“Me citostatikë dhe disa barna esenciale ka pasur mbulueshmëri të mirë gjatë këtij viti. Por, ka pasur edhe mungesë barnash. Materiali shpenzues ka munguar edhe këtë vit, por, marrë në përgjithësi ka pasur një mbulueshmëri më të mirë gjatë gjatë vitit 2015”, tha Syla.

Sidoqoftë Basri Lenjani, drejtor i Qendrës Emergjente në Qendrën Klinike Universitare të Kosovës, ka bërë të ditur se në sektorin që udhëheq ai, gjatë vitit 2015 është vërejtur përmirësim sa i përket furnizimit me barna esenciale, por që mungesa të kohë pas kohshme të barnave ende ka.

“Klinikës Emergjente nuk i ka ndodhur asnjëherë të ketë mungesa të produktit të parë jetë-shpëtues, derisa mungesë të barnave që nuk paraqesin rrezik për jetën, normalisht që ka, por që nuk ia rrezikon jetën të sëmurit, helmuarit apo të lënduarit. Klinika emergjente bën planifikimin për barna dhe kërkesat tona janë të vazhdueshme që kjo klinikë duhet jetë prioritet i shtetit”, thotë Lenjani.

Zyrtarët shëndetësorë kanë deklaruar disa herë se furnizimi me barna, ndërlidhet ngushtë edhe procedurat e prokurimit, që sipas tyre nuk u përshtaten specifikave të procesit, gjë e cila shpeshherë shkakton edhe vonesa në furnizim.

Sidoqoftë, institucionet publike shëndetësore prej pasluftës nuk kanë arritur asnjëherë ta përmbushin listën esenciale me barna 100 për qind, për shkak të buxhetit të ulët që ka pasur prej vitesh Ministria e Shëndetësisë, dedikuar furnizimit me barna./REL/