Agjencia e lajmeve Kosovanews kosovanews.info
Zëvendësministri i Administratës Publike, Bajram Gecaj, ka thënë në një intervistë për Klan Kosovën se me studimin e Departamentit të Shtetit Amerikan për Demarkacionin, sqarohet që komisioni qeveritar ka bërë punë të mirë.
“Deklaratë më të qartë nuk mund të ketë sesa kjo e Departamentit të Shtetit Amerikan për Demarkacionin. Kjo tregon se komisioni qeveritar ka pasur të drejtë”, deklaron zëvendësministri.
Sipas Gecajt, ky studim i amerikanëve tregon po ashtu se qëllimi i vetëm i Opozitës është marrja e pushteti dhe jo marrëveshjet.
“Kjo e vërteton atë që ne e kemi thënë çdo herë: marrëveshjet nuk janë arsye e vërtetë e protestave të Opozitës, por qëllimi i tyre është përmbysja e pushtetit”, pohoi Gecaj.