Agjencia e lajmeve Kosovanews kosovanews.info
Nga 40 shtëpitë e prezantuara gjatë vitit 2015 në emisionin për shtëpitë e bukura të Kosovës “Ma pikturo ëndrrën” në RTV21, banesa e Teuta Krasniqit ka zgjuar më së shumti interesim.
Duke u klikuar në kanalin zyrtar të RTV21 në youtube 490 000 herë, kjo banesë është cilësuar si shtëpia më e bukur e vitit 2015. Pas saj, vjen shtëpia e këngëtarit Mehedin Përgjegjej-Meda me gjithsej 410 000 klikime. Në vendin e tretë është radhitur shtëpia e Nexhat Zymberit nga Gjilani me 95 000 klikime, përderisa në vendin e katërt është radhitur shtëpia e Shaban Hajdarit nga Kamenica e cila është shikuar plot 64 000 herë. Në top listën e shtëpive më të klikuara të vitit e pesta është radhitur shtëpia e familjes Dehari nga Tetova me 63 000 shikime në youtube.
Top 5 shtepite e vitit 2015 janë:
5. Shtepia e familjes Dehari – Tetove
4. Shtepia e Shaban Hajdarit – Kamenice
3. Shtepia e Nexhat Zymberit – Gjilan
2. Shtepia e Medes – Hajvali
1. Banesa e Teuta Krasniqit – Prishtine
Në linkun më poshtë do të keni mundësi të shihni këto shtëpi të përmbledhura në një edicion special të reportazhit “Ma pikturo ëndrrën”. Pasi që plasimi në youtube i reportazheve bëhet pas prezantimit në televizion, shtëpitë më të klikuara të vitit 2015, janë llogaritur nga koha e transmetimit në raport me klikimet në youtube./21Media