Bashkimi kërkon fitore në Mal të Zi

Bashkimi do ta zhvillojë të mërkurën ndeshjen e radhës në Ligën Ballkanike, ku përballë do ta ketë skuadrën nga Mali i Zi, Mornar.
Prizrenasit në sfidën e parë kishin pësuar humbje nga Mornari, derisa nesër do të kërkojnë hakmarrje, transmeton Gazetaolle.com.
Atmosfera në ekip duket mjaft mirë derisa për takimin në fjalë ka folur Granit Rugova.
“Na pret një ndeshje shumë e fortë. Mornari ka super ekip. Mirëpo, ne kemi ardhur të përgatitur dhe do të mundohemi në maksimum që të triumfojmë, pasi që me Teodon e lëshuam nga dora fitoren pikërisht në sekondat e fundit”.
“Shpresoj që të martën të bëjmë më mirë. Besoj se me mbrojtje të fortë dhe sulme të shpejta të arrijmë synimin tonë. Jemi komplet, e dimë se është vështirë, por ne kërkojmë të dalim me rezultat të favorshëm nga kjo përballje”, ka deklaruar Granit Rugova.