BE-ja konfirmon: Kosova ka aplikuar për kod të ri shtetëror

Bashkimi Evropian e konfirmon njoftimin e Qeverisë së Kosovës dhe të ministres Edita Tahiri se Austria ka aplikuar në ITU që Kosovës t’i ndahet kodi shtetëror telefonik konform marrëveshjes se Brukselit.

Këtë e ka konfirmuar në llogarinë e saj në Twiter Angeline Eichhorst, e cila në Shërbimin për Politikë të Jashtme dhe Siguri të Bashkimit Evropian është drejtoreshë për Evropën Perëndimore, Ballkanin Perëndimor dhe Turqinë.

Eichhorst e ka marrë këtë detyrë para disa muajve si pasardhëse e Fernando Gentilinit.

Dje ministrja për Dialog në Qeverinë e Kosovës Edita Tahiri ka bërë të ditur se Kosova ka aplikuar nëpërmjet Austrisë për kodin e ri telefonik shtetëror.