Bekim Çollaku i bën ftesë opozitës të marrë pjesë në seancën për MSA

Ministri i Integrimit Europian, Bekim Çollaku, vlerëson se nesër Kosova do të përcjell porosinë europiane, duke ratifikuar MSA’në.
Nesër në Kuvendin e Kosovës do të shqyrtohet Projektligji për Ratifikimin e MSA’së ndërmjet Kosovës dhe Bashkimit Europian. Ministri i Integrimeve Europiane, Bekim Çollaku, në një intervistë për Epokën e Re, ka ftuar deputetët e opozitës të jenë pjesë e kësaj seance.

Ai ka thënë se prania e të gjithëve në këtë seancë, në të cilën do të diskutohet MSA’ja është shumë e rëndësishme, për faktin se po diskutohet një marrëveshje e rëndësisë së madhe për të cilën është punuar shumë.

Çollaku beson se askush në Kosovë nuk do të bëjë një gabim aq të madh sa që të mendojë ta dëmtojë agjendën europiane.

TEMAT:BEKIM COLLAKUOPOZITALAJME