Berisha flet për Shqipërinë, do t’i bashkohet apo jo

Sulmuesi 30-vjeçar nga Prishtina, Besart Berisha, ka pasur 17 paraqitje për kombëtaren e Shqipërisë (2006-09), por i cili më pas kishte refuzuar të luajë për kuqezinjtë për shkak të largësisë Australi-Shqipëri. Berisha është pjesë e skuadrës së kampionit të Australisë, Melbourne Victory, tash është i gatshëm të luajë për Shqipërinë në Euro 2016 në futboll, që mbahet në vitin e ardhshëm në Francë. “Për momentin nuk kam dëgjuar asgjë. Por, nëse do ta kem rastin të luaj në Evropian, mendoj se çdo lojtar do të donte ta bënte këtë”, ka thënë Berisha.