Çfarë thotë Behgjet Pacolli për ndeshjen mes Kosovës dhe Shqipërisë

Ish-presidenti i Kosovës, Behgjet Pacolli ka postuar një status në rrjetin social Facebook për ndeshjen e sotme që do të zhvillohet në Prishtinë ndërmjet Kosovës dhe Shqipërisë.

Pacolli ka thënë se kjo ndeshje është vëllazërore-festive dhe se të dy ekipet do të jenë fituese.

“Është një gëzim i madh që Kombëtarja Shqiptare ka ardhur në Prishtinë. Ndeshja e sotme duhet shikuar më shumë si një ndeshje vëllazërore dhe festive. Ne duhet të jemi krenarë që kemi dy ekipe shqiptare të cilët e duan dhe respektojnë njëri-tjetrin shumë. Të dy ekipet do të jenë fitues sot”, shkruan Pacolli në Facebook.