Çka thotë dëshmitari që e pa vrasjen e 9 vjeçarit në Strellc të Deçanit? (Video)

Gjurmët e një krimi të rëndë shihen në këtë vend në fshatin Strellc të Deçanit.

Të shtënat nga kallashi lanë të vdekur një fëmijë 9 vjeçar që po qëndronte brenda kioskut ku shërbehet ushqim i shpejtë kur u godit nga plumbat.

Për kryerjen e këtij akti dyshohet 19 vjeçari me inicialet D.L.

Gjithë këtë ngjarje e kishte parë një dëshmitar i rastit, njofton Klan Kosova.

Dëshmitari tregon se si kishte ardhur i dyshuari në vend të ngjarjes.

Ky dëshmitar po thotë se në bazë të fjalëve që ka dëgjuar, pronari i këtij lokali dhe i dyshuari kanë lidhje familjare mes vete.

Nëntë vjeçari ishte nisur menjëherë për në Emergjencën e Pejës, por plagëve nuk kishte arritur t’i mbijetojë.

Ndërsa organet e rendit, bëjnë me dije se të dyshimtin D. L e kanë arrestuar.

Ndërsa pas kontrolleve në shtëpinë e tij kanë gjetur edhe armën me të cilën dyshohet se është kryer vrasja.

Por, motivet e këtij krimi ende nuk janë sqaruar.

https://www.youtube.com/watch?v=DCrIYgfWOB4