Danezët premi armenëve, kundër Shqipërisë

Danimarka shpreson që Shqipëria të mos fitojë sot në Armeni, por ndërkohë nuk do të kufizohet te ndjekja e ndeshjes në televizion.

Rreziku i ndeshjeve play-off tremb skandinavët, që janë vënë në lëvizje dhe kanë nisur në fshehtësi disa emisarë në Jerevan.

Sipas mediave armene, që kanë zbuluar gjithçka, ka pasur edhe një takim me drejtuesit e federatës armene, me ndërmjetësinë e një biznesmeni të lindur në Danimarkë, por me origjinë armene, shkruan sportal.

Natyrisht, nuk dihet saktësisht për çfarë është biseduar në atë takim, por është e qartë që edhe Danimarka ka shumë interes që Armenia të mos humbasë dhe flitet se premtuar një super premio, për të ndalur Shqipërinë.