Delawie premton mbështetjen e SHBA-së në procesin e kthimit të komuniteteve

Ministri për Komunitete dhe Kthim, Dalibor Jevtiq, sot është takuar me ambasadorin e SHBA-ve në Kosovë, Greg Delawie. Jevtiq dhe Delawie biseduan për gjendjen politike, kthimin dhe të drejtat e popullit jo-shumicë në Kosovë. Ambasadori premtoi të vazhdojë mbështetjen në procesin e kthimit të komuniteteve.

Gjatë diskutimit, Jevtiq incidentet në Gorazhdec i vlerësoi si shumë alarmante, ndërsa falënderoi USAID-in për mbështetjen e vazhdueshme në procesin e kthimit dhe vazhdimin e bashkëpunimit përmes projektit BRIC që zbatohet në pesë Komuna.

“Temat e diskutimit të takimit të sotëm ishte gjendja politike, kthimi dhe të drejtat e popullit jo-shumicë në Kosovë, me theks të veçantë për situatën e sigurisë, të cilën Ministri pas incidenteve të fundit që kanë ndodhur në Gorazhdec dhe Srbobran, i ka vlerësuar si shumë alarmante. Jevtic ka falënderuar për mbështetjen që USAID-i ofron kur është fjala për procesin e kthimit dhe vazhdimin e bashkëpunimit përmes projektit BRIC, i cili ndihmon ne krijimin e mundësive per te kthyerit të cilin e zbaton USAID-i në pesë komuna.Gjatë takimit të sotëm është folur edhe për gjendjen e romëve, ashkalive dhe egjiptianeve si dhe për projektin e kthimit të romëve nga Mali i Zi dhe Maqedonia”, thuhet në komunikatë.

Ndërsa, ambasadori Delawie tha se ambasada e SHBA-së në Kosovë do të vazhdojë mbështetjen në procesin e kthimit, ndërsa është shprehur i shqetësuar për situatën e sigurisë në Kosovë.

“Ambasadori Delavi tha se ambasada e SHBA-së në Kosovë edhe në të ardhmen do të vazhdojë të mbështesë procesin e kthimit, i cili është shumë e rëndësishëm për të gjithë. Ambasadori Amerikan në Kosovë, e ka përshëndetur suksesin e projektit të kthimit të romëve, si dhe që gjithçka është zhvilluar ashtu siç është planifikuar. Z. Delawie gjithashtu shprehu shqetësim kur është fjala për situatën e sigurisë. Zyrtarët në fund të takimit vurën në dukje se edhe në të ardhmen do të punojnë në aktivitetet që do të jenë në interes të të gjitha komuniteteve në Kosovë.”