Agjencia e lajmeve Kosovanews kosovanews.info
Instituti Hidrometeorologjik i Kosovës ka publikuar parashikimin e motit për javën në vijim, sipas të cilit prej sot deri të enjten vendi ynë do të ndikohet nga masat relativisht të freskëta të ajrit, të cilat do të kushtëzojnë të mbajë mot kryesisht i vranët dhe me temperatura minimale të cilat do të lëvizin ndërmjet 8-10 gradë Celsius, ndërsa maksimalet e ditës ndërmjet 14-16 gradë Celsius.
Nga dita e premte deri të dielën vendi do të ndikohet nga masat relativisht të ngrohta të ajrit të cilat do të ndikojnë në ngritjen e temperaturave maksimale për 3-5 gradë Celsius.
Shtypja atmosferike do të jetë e lartë për 7-12 milibar mbi vlerat e normales dhe do të vazhdoj ti mbajë këtë amplituda të larta deri në fundjavë. Lagështia relative e ajrit do të lëvizë ndërmjet 93% në mëngjes kurse në mesditë do të bie deri 51%. Do të fryjë erë nga veriperëndimi deri ditën e enjte, e më pas nga verilindje dhe juglindja, me shpejtësi 1-5m/s, thuhet në parashikimin e IHMK-së