Dialogu s’dihet kur vazhdon

U takuan për herë të fundit më 25 gusht ku edhe u nënshkruan katër marrëveshje:  ajo për formimin e Asociacionit të komunave me shumicë serbe, marrëveshja për energjinë, marrëveshja për telekomunikacionin si dhe marrëveshja për heqjen e barrikadës mbi lumin Ibër.

Këto, u  konsideruan si marrëveshjet më të rëndësishme të arritura mes të dyja shteteve.

Por, kryeministri i Kosovës Isa Mustafa dhe ai i Serbisë Aleksandër Vuçiq nuk dihet se kur do të takohen për të vazhduar dialogun e nisur nga Hashim Thaçi e Ivica Daçiq.

Edhe pse dialogu në nivel teknik ka vazhduar mes të dy shteteve, kryeministri nuk ka marrë ftesë për takimin e radhës me homologun e tij Vuçiq./Tribuna Channel/