Digjen dy shtëpi, lëndohet lehtë një person

Një grua ka pësuar lëndime të lehta trupore, gjatë tentimit për të shuar zjarrin që e ka përfshirë shtëpinë e saj.

Ngjarja ka ndodhur mbrëmë rreth orës 17:00 në fshatin Trude të Prishtinës dhe sipas raportit të Policisë, gruaja ka marrë menjëherë tretman mjekësorë.

Rastin në polici e ka raportuar bashkëshorti i saj,i cili ka thënë se shtëpia e tij është përfshirë nga zjarri në rrethana të panjohura.

Kështu njësiti policorë dhe zjarrfikësit kanë arritur të lokalizojnë zjarrin, por, sipas ankuesit vlera e dëmit është rreth 4 mijë euro.

Gjatë 24 orëshit të fundit, sipas raportit të policisë, nga zjarri është përfshirë edhe një shtëpi tjetër në fshatin Vraniq të Suharekës, ku për fat të mirë nuk ka persona të lënduar.

Sipas ankuesit, zjarri është përhapur si pasojë e ndezjes së një stufe të ngrohjes dhe kështu janë djegur të gjitha orenditë në dhomë dhe disa dritare në korridorin e shtëpisë. Sipas tij, këto dëme materiale arrijnë vlerën në 4 mijë euro .

Zjarri është lokalizuar me ndihmën e zjarrfikësve