Agjencia e lajmeve Kosovanews kosovanews.info
Në Ditën Botërore të Turizmit, Forumi Rinor i Partisë Demokratike, dega në Prishtinë, kanë shprehur pakënaqësinë e tyre se Komuna e Prishtinës nuk po bën asgjë në lidhje me promovimin e turizmit.
Përmes një aksioni simbolik, ata deshën t’ua bëjnë me dije Qeverisë së Prishtinës se duhet të ndërmarr sa më shumë hapa për t’i mbrojtur bukurit e veta që i ka.
Kryetari i Forumit, Triumf Sadikaj, tha se me anë të këtij aktiviteti dëshirojnë që të ngritin vetëdijen e komunës së Prishtinë se nuk janë duke bërë asgjë për turistët të cilët e vizitojnë Kosovën.
Sipas tij, edhe pse ekziston një pikë informuese për turistët në Prishtinë, ajo është jofunksionale dhe një gjë e tillë po i shkakton humbje Prishtinës si në aspektin kulturor ashtu edhe në atë ekonomik.
Në anën tjetër, Dita Botërore e Turizmit, përveçse në Podujevë, nuk u shënua në asnjë komunë tjetër.