Agjencia e lajmeve Kosovanews kosovanews.info
Aksident në magjistralen Mitrovicë- Prishtinë në orët e mbrëmjes.
Në magjistralen Mitrovicë Prishtinë, në dalje të Vushtrrisë, sonte ka ndodhur një aksident trafiku në të cilin një vozitës ka shkelur me veturën e tij një këmbësor me inicialet A.B. rreth moshës 70 vjeçare duke i shkaktuar lëndime trupore.
Pasi ka shkaktuar aksidentin, vozitësi kishte ikur nga vendi i ngjarjes.
Lajmin për KALLXO e konfirmoi Avni Zahiti, zëdhënës i Policisë për rajonin e Mitrovicës.
Zahiti tha se viktima tash është jashtë rrezikut për jetë, mirëpo është duke qëndruar në spitalin e Vushtrrisë për shkak të moshës së shtyrë.
“Policia në vend të ngjarjes ka gjetur një pasqyrë që dyshohet të jetë e automjetit me të cilin është goditur viktima”, tha zëdhënësi Zahiti.