Fetah Podvorica: “Shkarkimi i rektorit është lojë e shumëfishtë dhe nuk i shërben Universitetit të Prishtinës”

I ftuar në intervistën “Ballë për Ballë” në emisionin “Ora e Fundit” ishte Prorektori për Hulumtime Shkencore në Universitetin e Prishtinës “Hasan Prishtina”, Fetah Podvorica.

Podvorica ka folur për rolin e tij në Universitetin e Prishtinës.

“Kur e ka marrë Zejnullahu titullin Rektor, edhe unë e kam marrë titullin Prorektor”.

Podvorica, ka folur për ngjarjet në UP, pra shkrakimin e rektorit e më pas shfuqizmin e vendimit të Këshillit Drejtues nga Ministri i arsimit, Arsim Bajrami.

“Shkarkimi i rektorit është lojë e shumëfishtë dhe nuk i shërben Universitetit të Prishtinës”.

Kurse rreth pozitës së tij në UP, ai është shprehur se ajo është e lidhur me atë të rektorit.

“Ne jemi ekip në kuadër të rektorit e ne shkojmë në pako”.

Podvorica nuk e di për vendimin e Zejnullahut nëse do të kthehet apo jo në krye të UP-së.

“Mua nuk më takon të flasë për rektorin se çfarë do të bëjë”.

“Ai ka qenë shumë i vetëdijshëm edhe kur ka konkurruar për këtë post, e për dilemat që janë aty”.

“Unë nuk e di që çfarëdo që bënë rektori, ai do të punojë fuqishëm për Universitetin”.

“Në jetën akademike fuqia e votës nuk ka vlerë”.