Forumi i Gruas dhe ai Rinor i AAK-së të pakënaqura me mos reagimin e Jahjagës ndaj fjalorit të Veselit

Kryetarja e Aleancës së Gruas së AAK-së Magbule Shkodra dhe Kryetarja e Aleancës së të Rinjve, Diellza Hoti, sot kanë zhvilluar një takim me presidenten Atifete Jahjaga.

Ato  i kanë shprehur asaj shqetësimin me fjalorin banal të përfaqësuesve institucionale  të Kosovës.

Shkodra dhe Hoti, në takim  kanë shprehur mospajtimin e tyre me mosreagimin e zonjës Presidente ndaj kësaj deklarate.

Presidentja, nga ana e saj ka thënë se  është shprehur në vijimësi kundër gjuhës banale, por ka thënë se e ka të pamundur që të reagojë në raste individuale.

Ndryshe kryekuvendari Kadri Veseli në mbledhjen e të premtës së shkuar, e kishte ofenduar rëndë deputeten e lëvizjes vetëvendosje  Albulena Haxhiu, gjë që shkaktoi reagimin e opinionit publik, transmeton Klan Kosova.