Gazetarët e “Top Channel” që akuzohen për vjedhje

Erblin Jaku dhe Elona Jacellari janë dy gazetarët e emisionit “Pasdite në Top Channel”, të cilët u akuzuan publikisht për fshehjen e të drejtave të autorit nga faqja tejet popullore në facebook, “Jeta osh qef”.

Sipas korespondencave, gazetarët e “Top Channel” kërkonin vazhdimisht info dhe video nga faqja me mbi 1 milion e 500 mijë fansa, ndërsa në emisionin ku transmetonin lajmin, e shisnin si të tyrin, duke “masakruar” në montazh logon e “Jeta osh qef”.

Këtë e pranojnë dhe vetë Erblini dhe Elona në mesazhet e shkëmbyera me administratorët e faqes.

Abuzimi me sa duket ka kapur majat, përderi sa, përfaqësuesit e faqes “Jeta osh qef”, pasi kanë parë situatën, nuk i kanë kthyer më përgjigje gazetarëve dhe janë detyruar të reagojnë publikisht.