Gjendet në rrugë një 41-vjeçar i plagosur

Një person është gjetur i plagosur pasditen e kësaj të premteje në qytetin e Patosit.

Nga të dhënat e fundit mësohet se personi në fjalë është gjetur nga kalimtarë të rastit në lagjen “1 Maji”, të cilët kanë lajmëruar policinë.

Edmond Nazëra, 41 vjeç u gjend i plagosur në rrugë, ndërkohë që nuk dihen rrethanat e plagosjes dhe as autorët. Autoritetet kanë nisur hetimet për të hedhur dritë mbi ngjarjen.