Gjeorgjia bindshëm më e mirë se Shqipëria

Gjeorgjia ka rezultate pozitive në ndeshjet direkte me Shqipërinë.

Gjeorgjia dhe Shqipëria janë takuar 13 herë deri më tani brenda dy dekadave të fundit, ndërsa skuadra nga kaukazi ka rezultate shumë më pozitive se sa kuqezinjtë.

Në 13 ndeshje të zhvilluara gjithsej, Gjeorgjia ka koleksionuar 8 fitore, ndërsa Shqipëria ka mundur të fitojë vetëm 3 herë. Vetëm 2 sfida kanë përfunduar në barazim, transmeton Supersport.

Rrjedhimisht edhe golaverazhi i përgjithshëm është na favor të gjeorgjianëve 21-11.

Shorti i ka vënë përballë me njëra-tjetrën dy shtetet në katër fushata eliminatore, tri herë në kuadër të Evropianit dhe një herë për kualifikueset e Botërorit, ndërsa që nga viti 2006 janë ndeshur katër herë në miqësore.