Gjindet një objekt shpërthyes pranë tregut ushqimor në Elbasan

Një objekt i dyshimtë shpërthyes është gjetur pranë tregut ushqimor në Elbasan. Policia ndodhet në vendngjarje dhe ka rrethuar zonën.

Sipas policisë, objekti shpërthyes është një bombulë gazi e modifikuar e lidhur me një celular.

Në vendngjarje kanë mbërritur forcat xheniere nga Tirana.

Shumë pranë vendit ku u gjet mjeti shpërthyes janë dy shkolla 9-vjeçare, ndërkohë që policia po largon të gjithë personat që ndodhen në tregun ushqimor.

/ Top Channel