Gjuriq: Asociacioni do të krijohet, nuk na intereson politika e brendshme e Kosovës

Shefi i Zyrës për Kosovën në Qeverinë e Serbisë, Marko Gjuriq ka komentuar vendimin e Gjykatës Kushtetuese lidhur me përputhshmërinë e disa pikave të marrëveshjes për Asociacionin me Kushtetutën e Kosovës.

Gjuriq ka thënë se për Serbinë me rëndësi është marrëveshja e 25 gushtit dhe se nuk përzihen në çështjet e brendshme të Kosovës, njofton Klan Kosova.

“Me rëndësi për Serbinë është marrëveshja e 25 gushtit në Bruksel”.

“Nuk përzihemi në çështje të brendshme të Kosovës”.

“Politika e brendshme e Kosovës për neve nuk është e rëndësishme”.

Më tutje ai ka theksuar se Asociacioni do të krijohet, pasi duhet respektuar marrëveshja e nënshkruar në Bruskel mes dy shteteve.

“Asociacioni do të krijohet, medoeomos dhe marrëveshja e Brukselit duhet të respektohet”.