Grabitje me maska në autostradën Tiranë-Durrës

Dy persona të armatosur, të veshur me uniforma të ngjashme me ato të policisë dhe të maskuar, kanë grabitur mjetin e nje personi i cili ka qënë duke lëvizur. Grabitja ka ndodhur në kilometrin e 5-të të autostradës Tiranë-Durrës.

Personat ende të paidentifikuar kanë ndaluar një automjetet tip “Volkswagen Golf” dhe pasi kanë zbritur me forcë drejtuesin e tij, janë larguar me shpejtësi nga vendi i ngjarjes, duke marrë dhe mjetin.

Mësohet se ka qenë vetë drejtuesi i mjetit ai që ka njoftuar policinë, e cila menjëherë ka mbërritur në vendngjarje. Pas mbledhjes së të dhënave të para, janë vendosur në postblloqe të shumta përgjatë gjithë autostradës Tiranë-Durrës dhe në rrugët lidhëse me të.

Nga të njëjtat burime mësohet se efektivët e policisë kanë nisur verifikimin e kamerave të sigurisë të një sërë biznesesh që ndodhen përgjatë autostradës Tiranë-Durrës, për të dokumentuar çdo lëvizje të dy grabitësve.