Greqi, rojet bregdetare shpëtojnë 1,244 emigrantë në Detin Egje

Autoritetet greke kanë deklaruar se gjatë tre ditëve të fundit, janë shpëtuar rreth 1,244 refugjatë dhe emigrantë që rrezikonin të përmbyteshin në Detin Egje.

Rojet bregdetare kanë deklaruar se ekipet e shpëtimit i janë përgjigjur 34 incidenteve, në afërsi ishujve të Lesbos , transmeton Kosovanews.info
Në numrim nuk përfshihen mijëra refugjatë dhe emigrantë të cilët kaluan nga bregu perëndimor i Turqisë, drejt Greqisë.

Greqia vazhdon të mbetet pika kryesore për mijëra refugjatë që largohen nga Lindja e Mesme dhe nga Afrika dhe që kërkojnë një jetë më të mirë në Europë, megjithatë gjatë këtij viti, qindra njerëz kanë humbur jetën gjatë udhëtimit të rrezikshëm nëpër Detin Egje.