Gruaja që lufton ISIS: Ju tregoj kush janë në të vërtetë

Një 46-vjeçare kanadeze, që njihet edhe me emrin Tiger Sun, ka kaluar muaj të tërë në vijën e luftës kundër ISIS­it, në veri të Sirisë.

Ajo ka luftuar në krah të kurdëve, kundër terroristëve që identifikohen me islamin.

Sipas saj, ata shfaqen të pamëshirshëm e trima, po e vërteta është krejt ndryshe.

Ata janë “qyqarë, frikacakë dhe derra që zvarriten” në luftime, tha Hanna Bohman, që është emri i vërtetë i kësaj luftëtareje.

Bohman tha se: “ushtarët e ISIS­it janë një grup i pistë, me erë të keqe goje, derra të ndyrë që ikin në momentin e parë të rezistencës”,­ tha ajo për “Business Insider“.

Hanna Bohman, iu bashkua batalionit ushtarak të femrave në një forcë nacionale kurde në Irak marsin e kaluar. Nga eksperienca e saj gjatë luftimit me këtë grup ekstremist, Bohman tha se perceptimi i Perëndimit se ISIS­i është një forcë e fuqishme është mashtruese.