Hapet Zyra rajonale e IPK-së në Prizren

Në ceremoni, sipas njoftimit të IPK-së, pritet të marrin pjesë përfaqësues të lartë të institucioneve vendore dhe ndërkombëtare, si dhe përfaqësues të institucioneve që ndërlidhen me fushën e sigurisë, gjyqësisë, prokurorisë etj.

Hapja e zyrës rajonale në Prizren synon fuqizimin e bashkëpunimit me qytetarë si dhe shihet si një mundësi për kualitet më të lartë të mbikëqyrjes policore, thuhet në njoftim.

Ceremonia do të mbahet në sallën e takimeve në ndërtesën e Administratës Tatimore në Prizren me fillim në ora 11:00.