Haradinaj: Opozita po i mbron institucionet dhe demokracinë.

Marrëveshjet gjithqysh do të tërhiqen. Por, se a do të tërhiqen me anulim, me rënie të Qeverisë apo me zgjedhje, pritet të shihet kur të tërhiqen thotë Ramush Haradinaj.
Kryetari i AAK’së, Ramush Haradinaj, ka thënë se opozita nuk po ushtron dhunë. Sipas tij, opozita po i mbron institucionet dhe demokracinë. Ai ka thënë se dhunë mbi shtetin e Kosovës është duke ushtruar koalicioni qeverisës.

Haradinaj në një intervistë për ‘Epokën e Re’, ka porositur Kryeministrin Isa Mustafa ta anuloj marrëveshjen për asociacionin dhe atë për demarkacionin, përndryshe të largohet nga posti i Kryeministrit.

Ai ka bërë me dije se opozita do të marrë pjesë në seancën e së premtes dhe nuk do të ndryshojë qëndrim në veprime.