Haradinaj: Rexhep Kadriu është njeriu i duhur për Gjilanin

“Ne vuajmë nga mungesa e parametrave menaxheriale në politike dhe në rast se dikush dështon, ndodhë si mungesë e zbatimit. Sekreti im në qeverisje ka qenë marrja me zbatim direkt. Ekonomia është luftë, është përgjegjësi, por ajo që dihet është se ju jeni krijues të vlerës materiale nga e cila varet çdo vlerë tjetër”, ka thënë Haradinaj, sipas të cilit Rexhep Kadriu është njeriu i duhur për t’a udhëhequr Gjilanin.

Rexhep Kadriu, kandidat i AAK-së për kryetar të Gjilanit, u ka thënë përfaqësuesve të bizneseve se me ardhjen e tij në krye të qeverisjes së Gjilanit, qasja ndaj bizneseve lokale do të jetë krejtësisht ndryshe, duke nisur prej favorizimit të bizneseve lokale e jo dhënia e hapësirës për bizneset, të cilat nuk i derdhin të ardhurat në qytetin e Gjilanit.

Ai ka premtuar se do të ofrohen kushte të mira për secilin biznes, lehtësime më të mëdha në çështjet administrative dhe mundësi më të mira për qasje në tregje, kurse kryesuesi i komisionit për zhvillim ekonomik në kuadër të AAK-së, Agim Zuzaku, ka thënë se Aleanca ofron një program të përshtatshëm për funksionim të lirë të bizneseve. Përfaqësuesit e bizneseve kanë premtuar përkrahje për Kadriun, duke thënë se besojnë në ndryshimin e klimës biznesore në Gjilan pas 3 nëntorit.