Haradinaj: Vota për Berishën, votë për mua

Kryetari i Aleancës për Ardhmërinë e Kosovës, Ramush Haradinaj, i shoqëruar nga bashkëpunëtorë të tij dhe kryetari aktual Komunës së Pejës dhe kandidati i AAK-së për një mandate tjetër në këtë post, Ali Berisha, ka mbajtur një tubim të madh me banorët e fshatit Zahaq dhe të zonave përreth.

Haradinaj ka kërkuar votën për Berishën, “si shembullin më të mirë të qeverisjes lokale në Kosovës dhe si kryetarin e duhur për një mandate tjetër në krye të Komunës së Pejës”.

“Vota juaj për numrin 62, Dr. Ali Berishën dhe aleancën AAK-LDD është votë direkte edhe për mua, për AAK-në dhe për qeverisjen e ardhshme nacionale”, ka thënë kryetari Haradinaj.

Berisha ka kërkuar edhe një herë besimin e tyre, “pasi që me qeverisjen e AAK-së Peja ka bërë hapa të tjerë përpara drejt zhvillimit të gjithanshëm të qytetit dhe zonave përreth”.

Haradinaj me bashkëpunëtorë ka vazhduar sonte takimet me qytetarë në fshatin Krushë e Madhe e Rahovecit.