Agjencia e lajmeve Kosovanews kosovanews.info
Kreu i Aleancës për Ardhmërinë e Kosovës, Ramush Haradinaj ka takuar sot në Gjakovë strukturat e degës së kësaj partie me të cilët ka biseduar rreth proceseve politike që po zhvillohen në Kosovë.
Haradinaj ka thënë se AAK-ja edhe njerëzit e këtij subjekti politik në Gjakovë duhet që të jenë gati për çfarësdo procesi politik duke përfshirë edhe atë të mbajtjes së zgjedhjeve.
Ai ka përmendur disa veprime të koalicionit qeveritar aktual siç është demarkacioni me Malin e Zi si dhe krijimi i Asociacionit të komunave me shumicë serbe si dhe veprime të tjera që sipas Haradinajt po i shkaktojnë dëme të mëdha shtetit të Kosovës.
Në një pronocim ekskluziv për Klan Kosovën ai ka deklaruar se edhe zgjedhjet janë alterantivë për ndaljen e punëve të këqija të dy partive të koalicionit qeverisës.