Haxhi Krasniqi e shkatërroi kundërshtarin (Video)

Boksieri nga Kosova, Haxhi Krasniqi, dëshmoi vlerat e tija në kategorinë super të mesme në versionin WBO që u zhvillua në sallën e madhe në “Maritim” hotel në Berlin. Ai shënoi një super fitore në përballje me boksierin gjerman me prejardhje turke, Cagri Ermis, ky i fundit renditet i teti në ranglistën gjermane. Në një atmosferë brilante ku ishin të pranishëm mbi 3 mijë shikues, panë një luftë interesante e të fortë. Krasniqi ishte fantastik në këtë meç duke arritur që në fund të triumfoi falë pikëve të tubuara pas tetë raundeve. Një fitore shumë e madhe për Krasniqin që e bën hapin drejt luftës për titullin e kampionit të botës në kategorinë super të mesme në versionin WBO.

Krasniqi i ka dhënë goditje të forta kundërshtarit sa në disa momente e ka prurë para aktit të kryer. Krasniqi dëshmoi edhe një herë cilësitë e tija dhe nuk njeh rival. Një fitore e madhe e tij që bën të ndihen krenar gjithë kombin shqiptar. Në një luftë të fortë deri në pikën e fundit dhe Krasniqi triumfoi me pikë.

Ermis i dërrmuar dhe i dëshpëruar lëshoi ringun, ndërsa Krasniqi ballëlart dhe krenar për super fitoren, tani sznon podiumin e botës.