Hiddink flet për Hazardin

Trajneri i ri i Chelseat mendon që Eden Hazard do ta tejkalojë këtë krizë dhe do të jetë sërish futbollisti kyç i skuadrës.

Holandezi i ka vënë vetes si prioritet kthimin e besimit të futbollistëve të Chelseat, e sidomos yllit të ekipit Eden Hazard.

Belgu është duke kaluar në periudhën më të vështirë prejse është transferuar në ‘Stamford Brige’, por Hiddink mendon që Hazard shumë shpejtë do të kthehet ai i vjetri, transmeton KosovaPress.

“Hazard ka pasur një sezon fantastik vetëm një vit më parë dhe është normale që ndonjëherë futbollistët të kenë rënie të formës”.

“Ai mbetet një lojtar kyç për ne, veçse i duhet pak kohë që të ketë sërish uri për të fituar dhe më pas do ta shohim Hazardin e vërtetë”, ka deklaruar Hiddink.