I riu shqiptar- ambasadorit britanik: A bën të mos flasësh serbisht – dhe ja përgjigja

Në bashkëbisedimin që ambasadori britanik në Kosovë Ruairi O’Connell ka zhvilluar sot me me qytetarë në Facebook, ndër pyetjet e shumta që ka marrë, një ishte “A bën mos me fol serbisht?”, pasi ambasadori në fillim të bisedës ndjekësve të tij në rrjetin social i ishte drejtaur në anglisht, shqip dhe serbisht.

Pas kësaj pyetje të drejtuar nga një i ri me emrin Rinor Zejnullahu, përgjigja e ambasadorit ka qenë negative. Ai i ka thënë se do të vazhdojë të flas edhe në serbisht, ngase kjo gjuhë është gjuhë zyrtare e Republikës së Kosovës, raporton Kosovanews.