Iniciativa për Drenasin: Kur Thaçi flet për hajni, kjo është paturpësi

Iniciativa qytetare për Drenasin ka reaguar ndaj deklaratave të Thaçi lidhur me korrupsionin. Iniciativa qytetare përmes një deklarate për media thekson se kur Thaçi flet për hajni, kjo është paturpësi.

“I vetmi ‘argument’ që i ka mbetur atij para elektoratit është: mos e ndani Drenicën, qëndroni të bashkuar, se çdo votë kundër PDK-së i shkon LDK-së, e gjëra naive që konsumohen nga pak njerëz të cilët me kalimin e kohës do e kuptojnë se të shkosh pas tij është jo vetëm humbje kohe, por është edhe fyerje për virtytet që e karakterizojnë Drenicën. Drenica beson dhe ka besuar edhe në të, por pas gjithë këtyre dëmeve që ja ka bërë jo vetëm Drenicës, por edhe Kosovës, ai njeri ma nuk ka të drejte morale të thirret në asnjë vlerë dhe normë morale e njerëzore”, thuhet në reagim.

“Ne drenicasit i themi këtij njeriu pa kurriz, pa dinjitet, të pandershëm, se Drenicës Heroike i ke japur ngjyrë të erret, se ti na humbe reputacionin e trimërisë dhe dijes,… se ti na etiketove me gjëra që nuk kanë qenë kurrë në traditën e drenicasve”, thuhet ndër të tjera në reagim.