IPKO është operatori i parë në Kosovës i cili ka lansuar rrjetin e shpejtë të internetit të njohur si 3G. Drejtori i Përgjithshëm i IPKO-s, Robert Erzin, ka thënë të shtunën se 40 për qind e konsumatorëve që përdorin internetin në telefonat e tyre mobil, nga e diela më 1 dhjetor do të kenë qasje në rrjetin 3G.

Robert Erzin ka paralajmëruar se do të mundohen që sa më shpejt të kaloj në rrjetin 4G. “Përdoruesit tan do të kenë internetin shumë më të shpejtë në mobil dhe do të kalojnë automatikisht në rrjetin 3G. Ne kushte ideale 3G do të ofroj shpejtësi deri ne 100 herë më të madhe se rrjeti 2G”, theksoi Erzin.

“Prej nesër, kjo bazë e konsumatorëve do të mund ta përdorin 3G sepse ne do ta ofrojmë atë për të gjithë dhe ata nuk do të kenë nevojë të aktivizojnë asgjë, vetëm do të kalojnë në rrjetin 3G”, ka thënë Erzin.

Ata kanë paralajmëruar se shumë shpejt do të kaloj në 4G, por sipas Erzin aktualisht nuk ka telefona të mjaftueshëm të cilët do ta përdornin rrjetin 4G. “Prej nesër përdoruesit tanë, të telefonisë mobile, do të kenë internetin shumë më të shpejt në telefonat e tyre mobil, do të mund ta kenë edhe zyren e tyre me veti, gjithçka do të jetë më shpejtë sa i përket shpejtësisë së internetit në pajisjet e tyre mobile”, është shprehur Erzin.

E vetmja gjë që duhet bërë është konfigurimi për të shfrytëzuar njërën prej pakove Mini, Midi, Maxi të ofruara nga IPKO për konsumatorë, që kanë çmimin prej 1.95 euro deri në 4.95 euro. 3G pako do të sjellë prej 1 megabit për sekondë shpejtësi deri në 5 megabit për sekondë, varësisht prej pakos.

IPKO është njëri ndër pesë operatorët në Evropë, të cilët janë duke e testuar këtë teknologji, si dhe është operatori i parë që është duke e përdorur këtë teknologji.

Prej nesër do të mbulohet mbi 80 për qind e territori në Kosovë me shërbimin 3G, apo 43.7 për qind e territorit, duke planifikuar zgjerimin e rrjetit 3G deri në 75 për qind mbulueshmëri të territorit.

3G është shkurtesa për brezin e tretë të teknologjisë së telekomunikacionit celularë. 3G gjen aplikim në celularë, qasje në internet, në telefon, qasje fikse në internet, video thirrje dhe TV celularë.