ISIS-it drejtë zhdukjës , së shpejti operacione të gjera tokësore të mbështetura nga ajri

Qindra trupa iraniane kanë arritur në Siri në 10 ditët e fundit, dhe së shpejti do t’iu bashkohen forcave qeveritare të presidentit sirian Bashar al-Assad në Siri, si dhe aleatëve të tjerë libanezë të Hezbollahut në një aksion masiv tokësor që do të mbështete nga forcat ajrore ruse, kanë thënë për Reuters dy burime libaneze.

“Sulmet ajrore ruse, së shpejti do të mbështeten nga aksionet tokësore ushtarake të Sirisë dhe aleatëve të tjerë”, ka thënë njëri prej burimeve që është i afërt me zhvillimet politike dhe ushtarake në konfliktin e Sirisë, transmeton Indeksonline.

“Është e mundur që operacionet e ardhshme tokësore do të fokusohen në zonat Idlib dhe Hama”, ka shtuar ky burim.

Që të dyja burimet kanë thënë se operacionet kanë për qëllim kthimin e territoreve të humbura nga qeveria Assadit në luftë me rebelët e Shtetit Islamik.

Deri tani, mbështetja e drejtpërdrejtë usharake për Assad-in ka ardhur në të shumtën e rasteve në formën e këshilltarëve ushtarak. Irani po ashtu ka mobilizuar militantët shi’it, përfshi irakianët dhe afganët, për të luftuar në krah me qeverinë siriane.

Ndërkaq, libanezët e Hezbollahut, që mbështeten nga Irani, kanë luftuar krah ushtrisë siriane që nga fillimi i konfliktit në Siri.