Karvani i koalicionit PDK-AAK qëndroj në Zhiti

Mbrëmë, karvani i koalicionit PDK-AAK qëndroj për disa orë në Zhiti. Edhe banorët Zhitisë si në vendet tjera shprehen pakënaqësitë e tyre me qeverisjen aktuale komunale. Njëherazi, ata shprehen hallet e shumta të tyre dhe kërkuan mundësinë e zgjidhjes së tyre.

Z. Hafir Hoxha, i shoqëruar nga PDK dhe AAK, tha se hallet tuaja, si edhe të tjerat, nuk janë halle të izoluara dhe që nuk kanë lidhje me pushtetin e kësaj komune. Burimi i çdo problemi publik, i çdo hapësire të përbashkët, është i lidhur në mënyrë direkt me pushtetin komunal dhe shtetëror. Sot, nuk jemi më në kohën e paraluftës apo edhe menjëherë të pasluftës, ku në mungesë të një pushteti të organizuar në nivel lokal dhe shtetëror dhe në mungesë të një përgjegjësie mirë të definuar, ishim të detyruar të vetorganizoheshim dhe të gjenim përgjegjësitë e para brenda lagjeve tona, brenda fshatrave apo edhe tek individ të caktuar. Sot, përgjegjësia e parë kërkohet nga institucionet komunale dhe shtetërore dhe nga ata që kanë qenë në krye të këtyre institucioneve. Ata janë fajtorët e parë nëse nuk ka pasur zgjidhje apo, së paku, tentim të zgjidhjeve të problemeve që kanë të bëjnë me hapësirat dhe të mirat publike. Ata janë përgjegjës të parë edhe për mungesën e ndonjë vetorganizimi nga qytetarët sepse pushteti e ka për detyrë edhe të ndikoj dhe ndihmoj vetorganizimin e qytetarëve për zgjidhjen e problemeve të caktuara. Është e vërtet se buxheti komunal është i limituar dhe nuk mund të bëjë gjithçka, mirëpo gjithçka nuk kërkon investime financiare. Kryetar i mirë nuk është ai që vetëm e ndanë një buxhet dhe e investon në vende të caktuara. Një gjë të tillë do të mund ta bënte çdo adoleshent. Kryetari i një komune nuk reduktohet në një kontabilist, i cili numëron dhe ndanë shifrat e caktuara financiare. Një kryetar komune është një udhëheqës, është një njeri që posedon një vizion, një koncept të caktuar të të udhëhequrit politik, një program, një personalitet. Thënë ndryshe, një kryetar komune është ai i cili i posedon kompetenca politike dhe që posedon kapacitete të veçanta për ti futur në funksion këto kompetenca. Pra, ai posedon pikërisht të gjitha ato që nuk i ka poseduar kryetari aktual i komunës sonë, tha Hoxha.

“Unë, ju premtoj qysh sot, se çdo problem të kësaj komune në përgjithësi dhe të Zhitisë në veçanti, do ta zgjidhim duke përdorur mjetet financiare që do të kemi në dispozicion në mënyrën më racionale të mundshme. Mirëpo, duke qenë se për ne kjo është më pakta, premtojmë se do të gjejmë forma tjera për të zgjidhur çdo problem me të cilin përballohet komuna jonë. Për këtë kam vendosur të jem një kryetar prezent dhe afër qytetarit duke e shoqëruar atë në çdo sferë të jetës. Nuk do t’ia lejoj vetës dhe administratës komunale që të mbyllën në zyrat e tyre për 4 vjet dhe të dalin prej atyre zyrave vetëm kur të vjen koha e fushatës elektorale. Unë kryetar dhe administrata komunale, kemi për të qenë njerëz, të cilët në çdo moment (brenda dhe jashtë orarit të punës zyrtare) do të kemi vetëm preokupimin e përparimit të kësaj komune. Përgjegjësinë që ju do të na e jepni me 3 nëntor do ta mbajmë me krenari, besnikëri dhe ndershmëri. Ne do të jemi shërbyesit tuaj dhe jo ju shërbyesit tonë”, përfundoj Hoxha.

Pas kësaj fjale të Z. Hafir Hoxha, banorët e Zhitisë, të mahnitur nga vizioni dhe konceptet e shtruara i cili ofronte shkëputje të thellë me pushtetin aktual, i dhanë fjalën koalicionit PDK-AAK për përkrahje të plotë dhe për angazhim maksimal në këto zgjedhje.