Kastrati vazhdon fushatën në Mitrovicë

Kandidati i Partisë Demokratike të Kosovës për kryetar të Mitrovicës, Avni Kastrati ka vazhduar aktivitetet e fushatës zgjedhore me takime me banorë të lagjeve dhe fshatrave, vizitë bizneseve dhe aktivitete tjera të fushatës.

Ai numëroi projektet e realizuara gjatë mandatit të tij qeverisës, sukseset që ndikuan drejtpërdrejtë në kualitetin e jetës së qytetarëve të Mitrovicës dhe shpalosi planet dhe programin e tij dhe të PDK-së për mandatin tjetër të qeverisjes.

Banorët e lagjes 2 Korriku deklaruan se e vlerësojnë punën e mirë të Avni Kastratit.

Kandidati Kastrati ka vizituar edhe fabrikën për prodhimin e dyerve dhe dritareve dhe fabrikën Euro Comerc, ku ka bashkëbiseduar me punonjësit për kushtet në të cilat punojnë, shqetësimet dhe sfidat që ata kanë në punën e tyre, si dhe për rrugët dhe mundësitë për përmirësimin e ambientit dhe kushteve për zhvillimin e bizneseve të tyre.

Gjatë ditës Kastrati ka takuar edhe një numër të komunitetit RAE, të cilët nuk kanë kandidat të tyre për kryetar të Mitrovicës dhe kanë premtuar mbështetje për Avni Kastratin. Në anën tjetër Kastrati i ka siguruar komunitetin RAE se do t’i përkrah në nevojat dhe kërkesat e tyre si kryetar i Mitrovicës.