Komandanti Suprem i NATO-s për Evropë sot viziton Kosovën

Sot Kosovën do ta vizitojë komandanti Suprem i Forcave Aleate për Evropë, gjenerali Philip Breedlove.Komandanti Suprem i NATO-s, Breedlove, pritet ta zhvillojë një takim me kryeministrin Isa Mustafa në orën 16:00, për të vazhduar në një takim tjetër me presidenten, njëherësh komandanten supreme të FSK-së, Atifete Jahjaga në ora 16:30.
Në ora 17:45, ai në shoqërim të gjeneralit dhe majorit Guglielmo Luigi Miglietta, komandanti i KFOR-it në Kosovë, do të flasin para gazetarëve.
Sipas njoftimit paraprak, komandanti Supremi Forcave Aleate për Evropë do të ndajë informacione me gazetarët mbi misionin e KFOR-it në Kosovë dhe operacionet e NATO-s.