Konjufca: Opozita nuk e do Pressidenten

Glauk Konjufca i VV-së tha se paritë opozitare VV-AAK-NISMA nuk kanë pranuar të ulen në tryezë me Jahjagen dhe përfaqësuesit e koalicionit PDK-LDK, pasi Presidentja vazhdimisht ka dënuar vetëm veprimet e Opozitës.

“Ne nuk mund ti përgjigjemi pozitivisht ftesës së presidentes për tryezë politike pasi që ajo në të gjitha deklaratat e saj i ka dënuar veprimet e opozitës, dhe nuk ia ka parë asnjë të metë pozitës. Nuk mund të ulemi nëse presidentja nuk e sheh edhe atë anë të medaljes”, tha Konjufca për media pasi bashkë me dy deputetë tjerë dorëzoi te presidentja peticionin e nënshkruar kundër marrëveshjeve të Brukselit.