Krasniqi: S’do ta lejoja hyrjen e Daciqit në Kosovë

Kryetari i Kuvendit, Jakup Krasniqi, ka thënë se po të kishte një mocion në Kuvendin e Kosovës për të vendosur hyrjen e kryeministrit serb Ivica Daçic në Kosovë, do të mbështeste mocionin për ndalimin e hyrjes së tij në Kosovë, një pozicion të ngjashëm që kishte shprehur edhe për marrëveshjen e arritur në Bruksel mes kryeministrave Hashim Thaçi e Ivica Daçic me 19 prill.

Këtë deklaratë ai e bëri pas mbledhjes së kryesisë së Kuvendit pas së cilës nuk ka preferuar të shpresë pozicionin e tij rreth vizitës së Daciq në Kosovë.

“Kuvendi nuk lejon dhe nuk kundërshton asnjë qeveritar të jashtëm të atij shteti për të hyrë dhe për të dal nga Kosova, por është përgjegjësi e ekzekutivit dhe për këtë çështje duhet drejtuar ekzekutivit”, tha ai.

Përkundër insistimit të medieve , Krasniqi tha se se nga pozicioni që ka nuk mund të shfaq qëndrimin personal. Por ai rikujtoi në qëndrimin e tij për marrëveshjen.

“Marrëveshja është votuar jo veç nga pozita, por edhe një pjesë të opozitës dhe pyetjet duhet t’i drejtoni atyre, ka thënë Krasniqi.