Kriza e refugjatëve: Tensione të reja në Ballkan, përderisa rritet edhe numri i refugjatëve

Tensionet kanë filluar të rriten ndjeshëm në mesin e mijërave refugjatëve , pasi Hungaria ka mbyllur kufirin e saj edhe Kroacinë.

Kroacia ka kërkuar nga Sllovenia që të pranojë rreth 5000 refugjantë çdo ditë, por Sllovenia ka refuzuar një kërkesë të tillë duke shtuar se do të pranojë vetëm gjysmën e këtij numri, raporton BBC, transmeton Kosovanews.
Ndërkaq, autobusët e mbushur me refugjatë janë kthyer për në Serbi të dielen, gjë e cila ka rritur frustrimin mes refugjatëve dhe forcave policore.
Mijëra azilkërkues që udhëtojnë  për nga Ballkani verior, synim të vetëm kanë arritjen në Gjermani, Austri, apo në shtetet tjera të BE-së.

Hungaria e cila që nga fillimi i krizës ka shprehur shqetësimet e saj në lidhje me sigurinë, ka mbyllur kufirin me Serbinë dhe Kroacinë, duke detyruar refugjatët që të kalojnë përmes Sllovenisë, transmeton Kosovanews.
Megjithatë, Sekretari i Shtetit i Ministrisë së Brendshme, Bostjan Sefic, ka deklaruar se fqinji i saj, Austria, ka pranuar një numër të caktuar të refugjatëve.
Më tutje ai ka shtuar se ‘Sllovenia nuk mund të pranojë një numër të pakufizuar të refugjatëve.’
“Nëse neve na duhet të pranojmë 5000 refugjatë në ditë, kjo do të thotë që numri mund të arrijë deri në 35 mijë dhe kjo do të ishte e papranueshme,” tha Sefic.
Rreth 5000 emigrantë kanë kaluar natën në të ftohtë në një kamp tranziti në Opatovacit, në Kroacinë lindore. Ndërsa, përtej kufirit me Serbinë rreth 50 autobusë me refugjatë kanë pritur që të kalojnë në Kroaci.