Kryeziu: LDK-ja më 3 nëntor do të kthehet si forcë dominuese

Kandidati i LDK-së për kryetar të Prizrenit, Eqrem Kryeziu, ka vazhduar takimet elektorale në fshatin Arbanas dhe në Lagjen “Jeta e re”.

Në këtë takim u tha se pjesëmarrja e madhe e qytetarëve në të gjitha mjediset ku mban tubimet elektorale Lidhja Demokratike e Kosovës është garanci se më 3 nëntor qytetarët e Komunës së Prizrenit do ta votojnë ndryshimin.

Kryeziu tha se LDK-ja me 3 nëntor do të kthehet si forcë dominuese, si forcë fitmtare.

“Kemi qenë në pushtet 7 vjet dhe pa buxhet dhe pa kompetenca kemi bërë mrekulli. Sot buxheti është shtatë herë më i madh, por problemi sot është se po vidhet buxheti. Ne do të kemi para të mjaftueshme sepse para ka gjithmonë, nëse nuk i vjedh. LDK-ja në shtatë vjet të qeverisjes është dëshmuar dhe qytetarët e Prizrenit po thonë, po votën do të ia japim LDK-së. Populli tashmë ka vendos në fitoren e së drejtës, në fitoren LDK-së”, tha ndër të tjera, Kryeziu.