Kujdes: “Al Petrol” po vjedh qytetarët (dokument)

Kompania e derivateve “Al Petrol” nuk e ka ndërmend të ndalet së plaçkitur qytetarët e Kosovës. Pas rasteve të raportuar para disa ditësh në media, për një plaçkitje në sasi të naftës. Kësaj radhe edhe një fakt i ri.

Një qytetari nga komuna e Klinës, i është mbushur rezervari i veturës me pakë se që ka paguar.

Blerim Gashi nga komuna e Klinës, me vendqëndrim në Gjermani ka treguar për kronikapress se me datën 29 (sot) të këtij muaji në pikën e shitjes se “Al Petrol”, afër ETC-së në Klinë në ora 13:11 m ka paguar më shumë litra naftë se që i zë rezervari i veturës se tij.

“Jam një qytetar nga Komuna e Klinës Blerim Gashi me vendqëndrim në Gjermani, kamë një shqetësim të cilët besoj e kanë të gjithë qytetaret e Republikës së Kosovës, për plaçkitjen që po ju bahet mërgimtarëve të cilët vinë për pushime në Kosovë për festat e fundvitit apo edhe herëve tjera..  Sot në ora 13:11-(30 sec.) në Pompën e derivateve të Al-Petroll-it, afër ETC-së në Klinë (Përlina) më janë vjedhur rreth 10 E, ku jam futur për ta mbushur rezervarin, ku rezervari im i zënë vetëm 50 Litra, mirëpo për çudi i zuri 65.98 litra.”

Si argument po e publikojmë edhe faturën e paguar nga Blerim Gashi.